Gipuzkoako Abokatuen Elkargoko (Icagi) dekano Lourdes Maizteguik salatu duenez, ofiziozko txanda BEZ-arekin zergapetzea  “Justiziari egindako eraso berria eta ez beharrezkoa” da. Izan ere, ofiziozko txandan egoten diren abokatuek eskainitako zerbitzuak BEZ-aren %21arekin zergapetzea aztertzen ari da Ogasun Ministerioa, Europako Auzitegiak berriki hartutako erabaki bat oinarri hartuta. 
“Herritarrei eta abokatuei kalteak ekiditeko, doako laguntza juridikoaren sistemari BEZ-a berehala kentzea” eskatu du Gipuzkoako Abokatuen Elkargoko dekanoak. 
Gogorarazi duenez, doako justizia eskubide bat eta Zuzenbidezko Estatuaren “oinarrizko” zutabea da eta zerbitzu hori eskaintzea “derrigorrezkoa” da urteko 365 egunetan, 24 orduz, eskuragarri dauden elkargoentzako eta bertako abokatuentzako, bezeroa hautatzeko eta berarekin ordain-saria hitzartzeko aukerarik gabe.  
Arrazoi horrengatik, izaera “sozialeko” zerbitzua dela iritzi dio. Gaineratu duenez, Euskadiren kasuan Eusko Jaurlaritzak ordaintzen du, diru-laguntza moduan, eta ez du inongo zerikusirik “merkatu librearekin” eta, horregatik, BEZ-era lotu gabe egon beharko litzatekeela uste du. 
Esan duenez, zerbitzu horrengatik orain %21 fakturatu behar izatearen ondorioz, “duela urte askotatik oso ongi funtzionatu duen” sistemaren “burokratizatzea” gertatuko da eta, pasa den urtean doako justiziazko 7.500 kasuri arreta egin zien Gipuzkoako Elkargoarentzako, lan handiagoa izango da.
Maizteguik gogoratu duenez ere, Europako Auzitegiak hartutako erabakiak Belgikako justiziaren auzi bati erantzun dio eta, Belgikako eta Espainiako ofiziozko txanden sistemak ezberdinak izanik, ezin da estrapolatu. 
Nabarmendu duenez ere, errekurtsorik ez duelako doako justiziaren zerbitzuen beharra duen persona bati BEZ-aren %21-a kobratzea “irrazionala” izango litzateke. Ofiziozko txanda ekonomikoki babesten duen administrazioa Eusko Jaurlaritza izanik, azkenik diru kopuru hori berak asumitu beharko duenaren ustea du Maizteguik.