Berdintasunerako Emakunde sarira hautagaiak aurkezteko epea zabalik datorren urriaren 31 arte

Berdintasunerako Emakunde Sariaren 2021eko edizioaren deialdia argitaratu da gaur Euskal Herriko Aldizkari Ofizialean. Sariaren helburua da emakumeen eta gizonen arteko berdintasunaren arloan egindako lanarengatik nabarmendu diren pertsona fisiko nahiz juridikoei jendaurreko ezagutza egitea . Honekin batera,  aldizkari ofizialean ere argitaratu da Emakundek ematen duen  29.244 euroko diru-laguntza  Emakumeen aurkako Indarkerian Esku Hartzeari buruzko Masterra egiteko 2021-2022 ikasturtean. Informazio guztia Emakunde aldizkarian eta Irekian.