ELKARGOA ITXITA EGOKITZE-LANENGATIK

Donostian, 2022ko apirilaren 19an

Lankide estimatua:

Joan den urtarrilaren 10etik, ura sartzen da ICAGIren egoitzako beheko solairuan, eta horrek kalteak eragin ditu ekitaldi-aretoan, liburutegian eta korridoreetan, komunetan eta larrialdietako irteeran.

Urak hondatu egin ditu euste-egurrak eta zoruko egurrak, pladurrezko hormak, sare elektrikoak, telefonia-sareak eta beheko solairuko datuak.

Ura nondik sartzen den aurkitu ondoren, egokitze-lanak abiarazi ditugu. Lanak martxan dauden bitartean, Elkargoa itxita egongo da herritarrentzat, baina Elkargoko langileek beren egitekoarekin jarraituko dute lehen solairuan; ohiko zerbitzuak mantenduko dira, baina ez aurrez aurre, gure betiko telefonoaren eta posta elektronikoaren bidez baizik:

943 44 01 18

secretaria@icagi.net

ACA txartelak: gorabeheraren bat izanez gero edo txartela berritu behar izanez gero, Donostiako Epaitegietako Toga Aretoan (Kalkutako Teresa Plazan) eskainiko zaizue arreta, hitzordua eskatu ondoren, astearte eta ostegunetan 10:00etatik 14:00etara.

Lan-bileren aretoa: Toga Aretoaz gain, maiatzaren 2tik aurrera areto bat gaituko da Donostiako helbide honetan: Askatasunaren Hiribidea 17, 2. solairua (REGUS). ICAGIko aretoetan bezala erabili ahal izango da, betiere hitzordua eskatu ondoren.

Egoera lehenbailehen konpontzea espero dugu, eta normaltasunera itzuli bezain laster jakinaraziko dizuegu.

Jaso ezazu agur bero bat,