23/2023 zirkularra: Abokatu Informatzailea gehitzea Eztabaidak Konpontzeko Baliabide Egokietan

Lankide agurgarria:

Eusko Jaurlaritzak, Euskadiko Justizia Plan Estrategikoa 2022-2028 planaren barruan, proiektu pilotu bat abiaraztea onartu du 2023an, herritarrek, bide judizialen ordez, gatazkak konpontzeko dituzten bitartekoak aukeratu eta erabil ditzaten zabaltzeko eta sustatzeko, hala nola bitartekaritza eta zuzenbide korporatiboa , jurisdikzio zibilean (seme-alaba adingabeak edo desgaitasuna duten pertsonak dituzten familia-gaiak izan ezik), merkataritzan, gizartean eta administrazioarekiko auzien arloan.

Hori gauzatzeko, Orientazio Juridikoko Zerbitzuak indartzeko abokatu informatzaileak gehituko dira. Horien zeregina izango da doako justiziaren onuradunei informazioa ematea eztabaidak ebazteko baliabideei buruz, bai eta Orientazio Juridikoko Zerbitzura eraman dituen gatazka juridikoan horiei heltzeko aukerari buruz ere.

Elkargoan abokatu informatzaile batek eskainiko du Orientazio Juridikoko Zerbitzua indartzeko zerbitzu berri hori: astelehenetik ostiralera, Donostiako Justizia Jauregiaren egoitzan (Kalkutako Teresa), 09:00etatik 14:00etara.

Informatzaileen hautaketan parte har dezakete jardunean dauden eta ez dauden elkargokide guztiek. Horretarako, posta elektronikoz (secretaria@icagi.net) aurkeztu beharko dute ESKAERA hau eta bertan eskatutako dokumentazioa, 2023ko uztailaren 31ra arte.

Lanpostura hobekien egokitzen diren profilen elkarrizketak 2023ko irailaren 5etik 8ra egingo dira.

Kontratuaren iraupena, proiektu pilotua izanik, ez da 2024ko amaieraren ondoren izango, eta soldata hitzarmenaren araberakoa izango da.

Hautaketa-prozesuak Elkargoaren etorkizuneko beharrei erantzuteko ere balioko du.